حسنین کےبالنگ ایکشن کی درستگی پردوبارہ کام شروع

پاکستان کرکٹ ٹیم کے فاسٹ بالر محمد حسنین کے بولنگ ایکشن کی درستگی پر دوبارہ کام شروع کردیا گیا ہے۔

پاکستان کرکٹ بورڈ کےذرائع نے کہا ہے کہ محمد حسنین کے بولنگ ایکشن میں بہتری آئی ہے اور کوچز نے حوصلہ افزاء رپورٹ دی ہے۔

پی سی بی ذرائع کا کہنا تھا کہ عید کی وجہ سے محمد حسنین کی بولنگ پر کام کرنے کا وقفہ آیا تھا ،محمد حسنین کے کوچز ایک بار پھر کام کا آغاز کریں گے اور حتمی جائزہ لیں گے۔

 ذرائع کا کہنا تھا کہ کوچز کے مکمل اطمینان کے بعد آئی سی سی کو بالنگ ایکشن کا جائزہ لینے کا کہا جائے گا۔

پاکستان کی طرف سے 8  ون ڈے انٹرنیشنل اور 18 ٹی 20 انٹرنیشنل میچوں میں مجموعی طور پر 29 وکٹیں حاصل کر نے والے محمد حسنین پاکستان سپرلیگ کےعلاوہ بگ بیش، کیریبین پریمیئر لیگ اور لنکن پریمئیر لیگ میں بھی حصہ لے چکے ہیں۔

بگ بیش کے گزشتہ سیزن میں ہی محمد حسنین کے بولنگ ایکشن پر اعتراض اٹھایا گیا تھا۔

محمد حسنین نے رواں برس21 جنوری کو لاہور میں آئی سی سی کی منظور شدہ بائیو مکنیک لیب میں ٹیسٹ دیا تھا جس میں ان کا بولنگ ایکشن مشکوک قرار پایا تھا۔

from SAMAA https://ift.tt/7Gk5KcJ