صحت کارڈ گھپلے پنجاب حکومت کا پرائیوٹ اسپتالوں کا کلینکل آڈٹ کرانے کا فیصلہ

صحت سہولت کارڈ کے استعمال میں مبینہ گھپلوں کا معاملہ سامنے آنے پر نگران پنجاب حکومت نےپرائیویٹ اسپتالوں کے کلینکل آڈٹ کا فیصلہ کر لیا۔

کس اسپتال نے سرکاری انشورنس کمپنی کو نقصان پہنچایا، آڈٹ میں سامنے آئے گا، ذرائع کا کہنا ہے کہ صحت سہولت کارڈ کے پینل پر موجود تمام پرائیوٹ اسپتالوں کا کلینکل آڈٹ ہو گا۔

ذرائع کے مطابق نجی اسپتالوں کا آڈٹ پنجاب ہیلتھ کیئرکمیشن کے ذریعے کروایا جائے گا،سی سیکشن، اینجوگرافی،اینجو پلاسٹی کرنیوالے اسپتالوں کاخصوصی آڈٹ ہوگا، مریض کے بغیر صحت سہولت کارڈ سے رقم کلیم کرنے والے اسپتالوں کا بھی آڈٹ ہوگا۔

from Samaa - Latest News https://ift.tt/FAPQ4T5