فائنل سے پہلے قومی ٹیم کو عمران خان کا پیغام

سابق وزیر اعظم عمران خان نے ٹی 20 ورلڈ کپ کے فائنل سے قومی ٹیم کے نام پیغام جاری کیا ہے۔

اپنی ٹوئٹ میں عمران خان نے کہا کہ پاکستان کرکٹ ٹیم کو میرا آج وہی پیغام ہے جو میں نے 1992 کے ورلڈ کپ فائنل میں اپنی ٹیم کو دیا تھا۔

عمران خان نے کہا کہ پہلی بات یہ کہ اس دن کا لطف اٹھائیں کیونکہ شاذ و نادر ہی کسی کو ورلڈ کپ فائنل کھیلنے کا موقع ملتا ہے اور اس سے پریشان نہ ہوں۔

سابق وزیر اعظم نے کہا کہ دوسری بات یہ کہ اگر آپ خطرات مول لینے کے لیے تیار اور مخالفین کی غلطیوں کا فائدہ اٹھاسکتے ہیں تو آپ جیت جائیں گے۔ پوری قوم آپ کی کامیابی کے لیے دعاگو ہے۔

from Samaa - Latest News https://ift.tt/7NWMFRZ
via IFTTT