بھارت کی سیلاب کی پیشگی اطلاع کے معاہدے کی بحالی پر خاموشی

بھارت کی سیلاب کی پیشگی اطلاع کےمعاہدے کی بحالی پرخاموشی،پاکستانی کمشنرسندھ طاس مہرعلی شاہ نے بھارتی ہم منصب اے کے پال کو خط لکھ کر سیلاب کی اطلاع اور دریاوں میں بہاو کا ڈیٹا مانگ لیا۔

خط کے متن میں کہا گیا کہ 1989ء کا کمشنرمعاہدہ بحال، 10 جولائی سے سیلاب کی پیشگی اطلاع دی جائے، راوی،چناب،ستلج،جہلم اوردریائےسندھ کے مقبوضہ کشمیرمیں بہاؤکا ڈیٹا فراہم کیا جائے۔

عید سے قبل لکھے گئے خط پر 10 روز بعد بھی بھارت کی بدستور خاموشی دیکھی گئی ہے۔ بھارت 2019ء کے بعد کمشنر سطح کے معاہدے کی توثیق سے مسلسل انکار کررہا ہے۔

بھارت نے ہٹ دھرمی دکھاتے ہوئے جواب دیا کہ صرف معاہدہ سندھ طاس کے تحت انتہائی اونچے درجے کے سیلاب کی پیشگی اطلاع دیں گے۔

پاکستان فلڈ وارننگ سنٹرنے8 سے 10 جولائی تک چناب میں انتہائی اونچے کے سیلاب کی پیشگوئی کی ہے۔

from Samaa - Latest News https://ift.tt/PwWmRUj
via IFTTT