محکمہ موسمیات نے ملک میں آج سے پری مون سون بارشوں کی پیشگوئی کردی

محکمہ موسمیات نے ملک میں آج سے گرج چمک کیساتھ پری مون سون بارشوں کی پیشگوئی کردی۔

محکمہ موسمیات کے مطابق آج سے 30 جون تک بالائی اور وسطی علاقوں میں تیز آندھی کسیاتھ بارشیں ہونگی۔ آج ملک کے بیشترمیدانی علاقوں میں موسم شدید گرم اور مرطوب رہے گا۔

اس کے علاوہ بالائی اور وسطی پنجاب، اسلام آباد، پوٹھوہاراور کشمیرمیں بارش کا امکان ہے۔ اسلام آباد میں موسم گرم رہنے کےعلاوہ گرج چمک کے ساتھ بارش متوقع ہے۔

خیبرپختونخوا کے بیشتر اضلاع میں موسم شدیدگرم اورمرطوب رہےگا، چترال، دیر، سوات، مانسہرہ، کوہستان، ایبٹ آباد، ہری پور، پشاور میں بارش کا امکان ہے۔

محکمہ موسمیات کے مطابق مردان، صوابی، نوشہرہ، کرم، بنوں، ڈی آئی خان، لکی مروت اورکوہاٹ میں بارش متوقع ہے۔ پنجاب کے بیشتر اضلاع میں موسم شدیدگرم اورمرطوب رہے گا۔

اٹک، چکوال، جہلم،راولپنڈی، میانوالی، سرگودھا، حافظ آباد، منڈی بہاؤ الدین، سیالکوٹ، نارووال، لاہور، گوجرانوالہ، گجرات، شیخوپورہ، مری، گلیات اور گر دو نواح میں آندھی اور گرج چمک کے ساتھ بارش کا امکان ہے۔

محکہ موسمیات نے ملتان،بہاولپور،بہاولنگر،ساہیوال،ڈی جی خان،بھکر اور فیصل آباد میں گرد آلود ہوائیں ،جھکڑ چلنے کا امکان ظاہر کیا ہے۔

اُدھربلوچستان کے بیشتر اضلاع میں موسم گرم اور خشک رہے گا۔ سندھ کےبیشتر اضلاع میں موسم شدید گرم اور مرطوب رہے گا۔بعد از دوپہر گرد آلود ہوائیں چلنے کا امکان ہے۔ کراچی سمیت ساحلی علاقوں میں بوندا باندی متوقع ہے۔

کشمیرمیں تیز ہواؤں اور گرج چمک کے ساتھ بارش کا امکان ہے۔ گلگت بلتستان میں چند مقا مات پرتیز ہواؤں اور گرج چمک کے ساتھ بارش ہو سکتی ہے۔

گزشتہ روز سب سے زیادہ بارش کشمیر میں مظفر آباد سٹی 17، ائیر پورٹ 07 ،راولاکوٹ 04، خیبر پختونخوا:مالم جبہ15، بالاکوٹ12 اور سیدوشریف میں05 ملی میٹر بارش ریکارڈ ہوئی۔

from Samaa - Latest News https://ift.tt/e8ZEzYL
via IFTTT