پاکستان سمیت دیگر ملکوں میں جزوی سورج گرہن آج ہوگا

دنیا کے مختلف ممالک میں رواں سال کا دوسرا اور آخری سورج گرہن آج ہوگا۔

جزوی سورج گرہن کا آغاز دوپہر1 بجکر58 منٹ پرہوگا اور 4 بجے عروج پر پہنچنے کے بعد 6 بجکر2 منٹ پراختتام پذیر ہوگا، سورج گرہن پاکستان، بھارت، یورپ، ایشیا، شمالی افریقا سمیت مشرق وسطیٰ کے ملکوں میں دیکھا جائے گا۔

پاکستان کے مختلف شہروں میں سورج گرہن کب شروع ہوگا؟

محکمہ موسمیات کے مطابق پاکستان میں 4 بجے جزوی سورج گرہن اپنے عروج پر ہوگا، اسلام آباد میں جزوی سورج گرہن کا آغاز 3 بج کر 43 منٹ پر ہوگا جبکہ 5 بج کر 22 منٹ پر اختتام ہوگا، لاہور میں 3 بجکر 49 منٹ پر آغاز ہوگا اور 5 بج کر 20 منٹ پر ختم ہوجائے گا۔

کراچی میں جزوی سورج گرہن 3 بج کر 57 منٹ پر شروع ہوگا، پانچ بج کر ایک منٹ پر عروج اور پانچ بج کر 56 منٹ پر اختتام ہوگا، پشاور میں تین بج کر 41 منٹ پر شروع ہوگا، چار بج کر 49 منٹ پر عروج اور پانچ بج کر 28 منٹ پر ختم ہوگا۔

کوئٹہ میں تین بج کر 44 منٹ پر جزوی سورج گرہن کا آغاز ہوگا، چار بج کر 53 منٹ پر عروج اور پانچ بج کر 51 منٹ پر اختتام ہوگا۔

نماز کسوف کی ادائیگی:

سعودی عرب میں بھی آج جزوی سورج گرہن ہوگا، مسجد الحرام اور مسجد نبویؐ میں سورج گرہن کے موقع پر نماز کسوف ادا کی جائے گی۔

پاکستان کے مختلف شہروں میں بھی سورج گرہن کے موقع پر نماز کسوف کا اہتمام کیا جائے گا۔

مفتی اعظم الشیخ عبدالعزیز کے مطابق سورج گرہن اللہ کی نشانیوں میں سے ایک نشانی ہے، سورج گرہن کے وقت نماز کسوف ادا کرنا مستند سنت ہے۔

بھارتی ریاست اڑیسہ میں عام تعطیل:

بھارت کے کئی علاقوں میں بھی سورج گرہن دیکھا جاسکے گا، ریاست اڑیسہ میں 25 اکتوبر کو عام تعطیل کا اعلان کیا گیا ہے۔

سرکاری سطح پر عام تعطیل کے اعلان کے مطابق تمام سرکاری دفاتر، اسکول، کالج، تعلیمی ادارے، عدالتیں، بینک اور دیگر مالیاتی ادارے بند ہیں، مندروں میں پوجا پاٹ کا اہتمام کیا گیا ہے۔

سورج گرہن کو براہ راست نہ دیکھنے کا انتباہ:

بین الاقوامی مرکز فلکیات نے انتباہ کیا ہے کہ براہ راست سورج گرہن کو دیکھنے سے آنکھوں کو نقصان پہنچ سکتا ہے جومستقل اندھے پن کا باعث بن سکتا ہے۔

سائنسدانوں کا کہنا ہے سورج گرہن کے وقت کھانے سے نظام انہضام پر کوئی اثر نہیں پڑتا، حاملہ خواتین کے سورج گرہن میں باہر نہ نکلنے کے دعوے کو بھی مسترد کردیا۔

from Samaa - Latest News https://ift.tt/Q68fBIF
via IFTTT