ٹی 20 انٹرنیشنل میں ویرات کوہلی کا ایک اور اعزاز

بھارتی بیٹر ویرات کوہلی نے ٹی 20 انٹرنیشنل میچوں میں 31 نصف سنچریاں اسکور کرلیں۔ وہ یہ اعزاز پانے والے دوسرے بلے باز ہیں۔ بھارتی کپتان روہت شرما نے بھی 31 نصف سنچریاں اسکور کی ہوئی ہیں۔

بھارتی کھلاڑی ویرات کوہلی نے ایشیا کپ کے میچ میں ہانگ کانگ کے خلاف نصف سنچری اسکور کی۔

انھوں نے اب تک 93 اننگز میں 31 نصف سنچریاں اسکور کی ہیں۔ روہت شرما نے 126 اننگز میں 31 نصف سنچریاں بنائی ہیں۔

پاکستان کے کپتان بابر اعظم کا اس فہرست میں تیسرا نمبر ہے۔ انھوں نے 70 اننگز میں 27 نصف سنچریاں اسکور کی ہیں۔

آسٹریلیا کے اوپنر ڈیوڈ وارنر نے 91 اننگز میں 23 نصف سنچریاں اور نیوزی لینڈ کے مارٹن گپٹل نے 117 اننگز میں 22 نصف سنچریاں بنائی ہیں۔

from Samaa - Latest News https://ift.tt/uthdm46