اپوزیشن کرپشن بچانے کیلئے ایک ہوگئی ہے،مراد سعید

وفاقی وزیر مراد سعید کا کہنا ہے کہ ماضی کے حکمرانوں نے ملک کا استحصال کیا، پاکستانی قوم کا پیسہ چرایا، اور اب اپوزیشن کرپشن بچانے کے لیے ایک ہوگئی ہے۔

تحریک عدم اعتماد پر ردعمل دیتے ہوئے وفاقی وزیر برائے مواصلات مراد سعید کا کہنا تھا کہ اپوزیشن نے سرکس لگایا ہوا ہے، انہیں ہر بار کی طرح اس بار بھی شکست کا سامنا کرنا پڑے گا، اپوزیشن کو ہر محاذ پر شکست سے دوچار کیا، سیاسی میدان ہو یا پارلیمان وزیراعظم عمران خان کامیاب رہے، تاریخ پر تاریخ دینے والوں کوشکست ہوئی۔

وفاقی وزیر کا کہنا تھا کہ کہ یہ وہی مولانا فضل الرحمان ہیں جو امریکی سفیر کو کہتے تھے مجھے خدمت کا موقع دیں، نواز شریف مودی کی حلف برداری میں شرکت کیلئے بھارت گئے، لیکں وہاں حریت کانفرنس کے رہنماؤں سے ملنا گوارا نہیں کیا اور جب بھارتی تاجر جندال بغیر ویزے کے پاکستان آیا تو اس کی آمد کو چھپایا گیا، اس کے برعکس وزیراعظم عمران خان نے ہر پلیٹ فارم پر کشمیر کا مقدمہ لڑا، اور کشمیر پر دنیا بھر کے لیڈرز سے بات کی۔

وفاقی وزیر مواصلات نے کہا ہے کہ سابق حکمرانوں نے عوام سے جھوٹ بولا۔ پاکستانی قوم کا پیسہ چوری کرکے استحصال کیا گیا۔ حزب اختلاف کہہ رہی ہے دنیا میں مہنگائی ہے تو یہاں کیوں کم کر دی۔

انہوں نے کہا کہ عمران خان نے دنیا بھر میں اعلیٰ فورم پر عالم اسلام کو اکٹھے کیا اور اسلامو فوبیا پر بھی بات کی۔ عمران خان نے اسلامو فوبیا کے ایشو کو اجاگر کیا۔

وفاقی وزیر کے مطابق بیرون ملک جائیدادیں بنانے والے پاکستان کا مقدمہ لڑنے کے اہل نہیں، پاکستان خود استحصالی سے خود داری کی طرف گیا اور آج پاکستان عالم اسلام کی رہنمائی کر رہا ہے۔

from SAMAA https://ift.tt/hU69fIa