اسلامو فوبیا:وزیرِاعظم عمران خان کاکینیڈین ہم منصب کےبیان کاخیرمقدم

وزیراعظم عمران خان نے اسلامو فوبیا کے خلاف کینیڈین ہم منصب جسٹن ٹروڈو کے بیان کا خیرمقدم کیا ہے۔

وزیراعظم عمران خان نے ٹویٹر پیغام میں کہا کہ جسٹن ٹروڈو کے اسلاموفوبیا پرمذمتی بیان کا خیر مقدم کرتا ہوں، کینیڈین وزیراعظم کا اسلامو فوبیا سے نمٹنے کیلئے خصوصی نمائندہ مقرر کرنا خوش آئند ہے۔

میں وزیراعظم @JustinTrudeau کیجانب سے #Islamophobia کی صریح مذمت + دورِحاضر کی اس لعنت کےانسداد کیلئےنمائندۂ خصوصی کےتقررکےفیصلےکا خیر مقدم کرتاہوں۔انکی اس بروقت ترغیب میں اس دعوت کی بازگشت ہےجو میں ایک عرصےسے(دنیا کو) دےرہا ہوں۔آئیے باہم ملکر اس آفت کےخاتمے کا سامان کریں

— Imran Khan (@ImranKhanPTI) January 30, 2022

انہوں نے کہا کہ اسلاموفوبیا کے خاتمے کیلئے مشترکہ کوششوں کو تیز کرنا ہوگا، جسٹن ٹروڈو کا بروقت اقدام اس مطالبے کی حمایت ہے جو میں دہراتا رہا ہوں۔

فرخ حبیب

وزیر مملکت برائے اطلاعات فرخ حبیب نے بھی اس حوالے سے ٹویٹ کیا، ان کا کہنا تھا کہ وزیراعظم کے اسلامو فوبیا کیخلاف آواز اٹھانے کے اثرات آنا شروع ہوگئے، کینیڈین وزیراعظم جسٹن ٹروڈو نے بھی اس کی مذمت کی ہے اور اسلامو فوبیا کے سدباب کیلئے خصوصی نمائندہ مقرر کرنے کا فیصلہ کیا ہے۔

Well done @JustinTrudeau for raising your voice against Islamophobia – appointment of a Special Representative to Tackle Islamophobia & making “Fighting Islamophobia” a key part of the Canadian government’s strategy are great steps. https://t.co/IjqzvV7IIE

— Faisal Javed Khan (@FaisalJavedKhan) January 30, 2022

فیصل جاوید

دوسری جانب سینیٹر فیصل جاوید کا کہنا تھا کہ اسلامو فوبیا کا مقابلہ اب کینیڈین حکومت کی حکمت عملی کا ایک اہم حصہ بن گیا ہے۔

روسی صدر

واضح رہے کہ اس سے قبل روس کے صدر پیوٹن بھی اسلام فوبیا کو آزادی رائے کہنا غلط قرار دے چکے ہیں۔ روس کے صدر ولادمیر پیوٹن نے اپنے ایک بیان میں کہا تھا کہ حضرت محمد ﷺ کی توہین اظہار آزادی رائے نہیں ہے۔

کینیڈین وزیراعظم

واضح رہے کہ  مائیکرو بلاگنگ سائٹ پر کینڈا کے وزیرِاعظم جسٹن ٹروڈو کا کہنا تھا کہ اسلامو فوبیا ناقابلِ قبول ہے، ہمیں اس نفرت کو ختم کرنے اور کینیڈا میں مسلمانوں کے لیے اپنی کمیونٹیز کو محفوظ بنانے کی ضرورت ہے۔

انہوں نے یہ بھی کہا ہے کہ ہم اسلامو فوبیا سے نمٹنے کے لیے ایک خصوصی نمائندہ مقرر کرنے کا ارادہ رکھتے ہیں، جو ہمیں اسلامو فوبیا سے نمٹنے میں مدد دے گا۔

Islamophobia is unacceptable. Full stop. We need to put an end to this hate and make our communities safer for Muslim Canadians. To help with that, we intend to appoint a Special Representative on combatting Islamophobia. More details here: https://t.co/sEiOYlLRaw

— Justin Trudeau (@JustinTrudeau) January 29, 2022

from SAMAA https://ift.tt/7sGR1vwxC