عید پر زیادہ گوشت کھانے کا انجام درجنوں افراد اسپتال پہنچ گئے

ملک بھر میں عیدالاضحیٰ پر گوشت زیادہ کھانے پر معدے اورپیٹ درد شکایت کے باعث متعدد مریض اسپتالوں میں لائے گئے۔

فیصل آباد میں عید الاضحی پر کھابوں پر بے جا ہاتھ صاف کرنے والے 100 سے زائد شہری حالت خراب ہونے سے اسپتالوں میں پہنچے۔ فیصل آباد کے سول، الائیڈ اور جنرل اسپتال میں فوڈ پوائزنگ کا شکار مریضوں کا رش لگ گیا۔

حکام کا کہنا ہے کہ سول میں 35 ، الائیڈ 40 ،جنرل اسپتال غلام محمد آباد 27 مریض پہنچے جبکہ دیگر اسپتالوں میں بھی 40 سے زائد مریض داخل ہوئے۔

طبی ماہرین نے عوام کو مشورہ دیا ہے کہ عید کے ایام میں گھر میں تیار کھانوں سے لطف اُٹھائیں، گوشت کھائیں لیکن اعتدال کے ساتھ کیوں کہ بسیارخوری اور مرغن اور چٹخارے دار پکوان آپ کی عید کا مزا کرکرا کر سکتے ہیں۔

from Samaa - Latest News https://ift.tt/tmBXfZ3