ٹینس سٹار نوواک جوکووچ نے فرنچ اوپن کے فائنل میں جگہ بنالی

معروف ٹینس سٹار نوواک جوکووچ نے جیت کا سلسلہ جاری رکھتے ہوئے فرنچ اوپن کے فائنل میں جگہ بنا لی۔

نوواک جوکووچ نے سیمی فائنل میں ہسپانوی حریف کارلوس الکاریز کو شکست دی ، سال کے دوسرے گرینڈ سلام فرنچ اوپن کے دلچسپ مقابلے فرانس کے دارالحکومت پیرس میں جاری ہیں۔

مینز سنگلز مقابلوں کے دوسرے سیمی فائنل میں عالمی نمبر 3 سربیا کے نوواک جوکووچ نے عالمی نمبر 1 سپین کے کارلوس الکاریز کو دلچسپ مقابلے کے بعد 3-6 ، 7-5، 1-6 اور 1-6 سے ہرا کر فائنل کے لئے کوالیفائی کر لیا۔

فرنچ اوپن فائنل میں نوواک جوکووچ کا مقابلہ کل(اتوار کو) عالمی نمبر 4 ناروے کے کیسپر روڈ سے ہو گا ، اگر جوکووچ یہ فائنل جیتنے میں کامیاب ہو گئے تو وہ ریکارڈ 23 گرینڈ سلام ٹائٹل جیت جائیں گے۔

from Samaa - Latest News https://ift.tt/hEorZNY
via IFTTT