پنجاب بھر کی یونیورسٹیوں میں وائس چانسلرکی تعیناتی پر فریقین سے جواب طلب

لاہورہائیکورٹ نے پنجاب بھر کی یونیورسٹیوں میں وائس چانسلرکی تعیناتی کے عمل کیخلاف درخواست پر نوٹسز جاری کر کے متعلقہ فریقین سے جواب طلب کر لیا۔

لاہورہائیکورٹ کے جسٹس طارق سلیم شیخ نے محمد الطاف یونس کی درخواست پرسماعت کی۔جس میں وائس چانسلرزکی تعیناتی کے اقدام کو چیلنج کیا گیا۔درخواست گزارکے وکیل اجمل خان نے بتایا کہ کہ پنجاب کی نگران حکومت وائس چانسلرز تعینات کررہی ہے۔

وکیل نےنکتہ اٹھایا کہ کہ نگران حکومت کےپاس صرف روزمرہ کے معمولات کو نمٹانے کا اختیارہے۔وہ وائس چانسلرزتعینات نہیں کرسکتی ۔وکیل نے استدعا کی کہ قانون کے برعکس یونیورسٹیزمیں وائس چانسلرزکی تعیناتی کےعمل کو شروع کیا گیا ۔اس عمل کواختیارسے بالا ہونے کی وجہ سے روکنےکا حکم دیا جائے۔

from Samaa - Latest News https://ift.tt/FHyr61B
via IFTTT