کراچی سمیت کئی شہروں میں بارش کی پیشگوئی

محکمہ موسمیات نے کراچی سمیت ملک کے بڑے حصے میں آئندہ 24 گھنٹوں کے دوران بارشوں کی پیشگوئی کی ہے۔

محکمہ موسمیات کے مطابق 24 گھنٹوں کے دوران اسلام آباد میں مطلع جزوی ابرآلود رہنے کا امکان ہے جبکہ چترال، دیر، سوات، بالاکوٹ، مانسہرہ، کرم، وزیرستان اور کوہستان میں بارش کا امکان ہے۔

میٹ آفس کا کہنا ہے کہ فیصل آباد، ساہیوال، راولپنڈی، اٹک، جہلم اور مری جبکہ بہاولپور، رحیم یار خان، راجن پور، ڈی جی خان، ملتان، لیہ اور اوکاڑہ میں بھی بارش متوقع ہے۔

محکمہ موسمیات کے مطابق بلوچستان میں کوئٹہ، قلات، خضدار، زیارت، سبی اور نصیر آباد میں گرج چمک کے ساتھ بارش متوقع ہے جبکہ جھل مگسی، بارکھان، لورالائی، کیچ، پنجگور، لسبیلہ اور مکران میں بھی بارش ہوگی، چند مقامات پر ژالہ باری کا بھی امکان ہے۔

میٹ آفس نے بتایا ہے کہ سندھ میں کراچی سمیت تھرپارکر، عمر کوٹ، بدین، ٹھٹھہ، حیدرآباد، دادو اور مٹھی میں بارش متوقع ہے، سکھر، جیکب آباد، شہید بینظیر آباد اور سانگھڑ میں بھی تیز ہواؤں کے ساتھ بارش کا امکان ہے۔

from Samaa - Latest News https://ift.tt/bKJyAGg