حالات جیسے بھی ہوں پی ٹی آئی حکومت کے معاہدوں کی پاسداری کریں گے، اسحاق ڈار

وفاقی وزیر خزانہ اسحاق ڈار کا کہنا تھا کہ حالات جیسے بھی ہوں سابق حکومت کے معاہدوں کی پاسداری کی جائےگی۔

اسلام آباد میں سیمینار سے خطاب کے دوران وفاقی وزیر خزانہ نے کہا کہ ملک کو متعدد چیلنجز کا سامنا ہے، یہ معاشی بحران اتحادی حکومت کو ورثے میں ملا ہے، حکومت معاشی بحالی کیلئے کوشاں ہے، جلد معاشی مسائل پر قابو پالیں گے۔

بنیادی شرح سود میں مزید اضافے کا اشارہ

اسحاق ڈار کا کہنا تھا کہ مسلم لیگ ن نےگزشتہ دورمیں آئی ایم ایف کا پروگرام مکمل کیا، ن لیگ کے پچھلے دور میں پاکستان24 ویں بڑی معیشت بن گیا تھا، پاکستان ایشیاکی بہترین مارکیٹ تھی،2018 سے پاکستان کی معاشی مشکلات میں اضافہ ہوا ہے۔

اسحاق ڈار کا کہنا تھا کہ عمران خان نے آئی ایم ایف کے پروگرام سے انحراف کیا، ترقیاتی اداروں کے اعتماد کو نقصان پہنچایا، پی ٹی آئی کی غلط پالیسیوں کے باعث بیرونی سرمایہ کاری کافقدان پیدا ہوا اور بجٹ خسارے میں اضافہ ہوا۔

وزیر خزانہ نے کہا کہ ہم اللّٰہ اور عوام کو جوابدہ ہیں پاکستان کے ڈیفالٹ ہونے کی خبریں گمراہ کن ہیں، ملک کی معیشت سے متعلق بے بنیاد پروپیگنڈا کیا جاتا ہے۔ تمام سیاسی جماعتوں کو دعوت دیتا ہوں کہ میثاق معیشت کریں۔ آئندہ کچھ دنوں میں آئی ایم ایف سے معاہدہ ہونے کی امید ہے، حالات جیسے بھی ہوں سابق حکومت کے معاہدوں کی پاسداری کی جائے گی۔

from Samaa - Latest News https://ift.tt/NCDS1QH
via IFTTT