عمران خان کو پارٹی سربراہی سے ہٹانے کی درخواست خارج

الیکشن کمیشن نے عمران خان کو پارٹی سربراہی سے ہٹانے کی درخواست خارج کر دی۔

الیکشن کمیشن میں عمران خان کو پارٹی سربراہی سے ہٹانے سے متعلق کیس کی سماعت ہوئی، عمران خان نے الیکشن کمیشن میں اپنا تحریری جواب جمع کروا دیا۔

عمران خان نے اپنے جواب میں کہا کہ الیکشن کمیشن نے اسپیکر کی جانب سے دائر ریفرنس پر ڈی سیٹ کیا، اس کے بعد قومی اسمبلی کا الیکشن بھی لڑا۔

پارٹی سربراہی سے ہٹانے کے کیس میں عمران خان کو نوٹس

سابق وزیراعظم نے کہا کہ لاہور ہائی کورٹ الیکشن کمیشن کو حتمی فیصلے سے روک چکی ہے، وقت کا ضیاع روکنے کیلئے سماعت ہائی کورٹ کے فیصلے تک روکی جائے۔

سپریم کورٹ نے پاناما کیس میں نواز شریف کے خلاف نااہلی کا ڈکلریشن دیا تھا، عمران خان کے خلاف کسی فورم نے نااہلی کا کوئی ڈکلریشن نہیں دیا،نااہلی کے ڈیکلریشن کے بعد ہی پارٹی سربراہی سے ہٹایا جا سکتا ہے، الیکشن کمیشن پارٹی سربراہی سے ہٹانے کا مقدمہ خارج کرے۔

دوران سماعت درخواست گزار آفاق احمد نے کہا کہ ڈپٹی ڈائریکٹر لاء کی نااہلی کی وجہ سے نوٹس غلط اور تاخیر سے پہنچے۔ سماعت کے بعد نوٹس ملنے کا جواب دہ کون ہے؟

عمران خان کو پارٹی چیئرمین شپ سے ہٹانے کی کارروائی شروع

چیف الیکشن کمشنر نے درخواست گزار کی سرزنش کی اور کہا کہ کسی پر انگلی نہ اٹھائیں۔ اپنی آواز بھی نیچے رکھیں اور صرف کیس پر بات کریں۔ آپ کیا کہنا چاہتے ہیں؟

درخواست گزار نے کہا کہ آپ جو سننا چاہتے ہیں وہ کہہ دیتا ہوں۔ جس پر چیف الیکشن کمشنر نے درخواست گزار کو عدالت سے باہر نکالنے کا حکم دے دیا۔ پولیس اہلکاروں نے آفاق احمد کو دھکے دے کر باہر نکال دیا۔ بعد میں کمیشن نے عمران خان کی پارٹی سربراہی کے خلاف درخواست خارج کر دی۔

from Samaa - Latest News https://ift.tt/neifkEY
via IFTTT