وزیراعظم کےغیرملکی دوروں پراشتہارات کے خلاف درخواست پرفیصلہ محفوظ

اسلام آبادہائیکورٹ نے وزیراعظم شہبازشریف کے غیرملکی دوروں پرعوامی پیسوں سے اشتہارات کے خلاف درخواست کے قابل سماعت ہونے یا نہ ہونے پر فیصلہ محفوظ کرلیا۔

اسلام آباد ہائیکورٹ میں وزیراعظم شہباز شریف کے غیر ملکی دوروں پرعوامی پیسوں سے اشتہارات کے خلاف درخواست کی سماعت چیف جسٹس اطہر من اللہ نےکی۔

تحریک انصاف کے رہنماعلی نوازاعوان نے عوامی پیسے کےاستعمال کو چیلنج کیا تھا۔

درخواست میں موقف اختیار کیاگیا کہ وزیراعظم شہباشریف کے دورہ ترکی پر پبلک فنڈز سے میڈیا کو اشتہارات دیئے گئے اور غیرملکی دوروں پربذریعہ اشتہارات تشہیر کی دنیا میں مثال نہیں ملتی۔

درخواست میں کہا گیا کہ وزیراعظم کا غیرملکی دوروں کے اشتہارات پر عوامی پیسہ خرچ کرنا غلط ہے اور وزیراعظم یا سرکاری افسر کی تصاویر والے اشتہارات کا پیسہ انہی سے لیا جائے۔

درخواست میں وزیراعظم،وزارت خزانہ،وزارت اطلاعات اور پی آئی او کو فریق بنایا گیا۔

from Samaa - Latest News https://ift.tt/lfALkpB