سیف سٹی ای چالان غیرقانونی قرار

لاہورہائی کورٹ نے سیف سٹی ای چالان کوغیر قانونی قرار دے دیا۔

ای چالان سے متعلق لاہور ہائیکورٹ کا بڑا حکم آگیا۔ جسٹس طارق سلیم شیخ نے محفوظ فیصلہ سنايا اورلاہور میں سیف سٹی ای چالان کوغیرقانونی قرار دے دیا۔

عدالت نے سیف سٹی ای ٹکٹنگ چالان کی خلاف تمام درخواستیں منظورکرلیں۔ جسٹس طارق سلیم شیخ نے ریمارکس دئیے کہ کابینہ کی منظوری کے بغیر کیمروں سے ای چالان کیے جارہے ہیں۔

واضح رہے کہ سیف سٹی اتھارٹی نے ٹریفک سگنلز پر کیمرے اور سنسرز لگا رکھے ہیں، جن سے ٹریفک قوانین کی خلاف ورزی پر خودبخود چالان ہو جاتا ہے اور چالان گاڑی مالک کے گھر پہنچ جاتا ہے۔

شہریوں کو شکایت تھی کہ لاہور میں ایک گاڑی کے سیکڑوں چالان کیےجاتے ہیں، اور اس نظام کے تحت زمینی حقائق کو مدنظر نہیں رکھا جاتا اور جرمانہ ہوجاتا ہے، جن کے درجنوں چالان ہوگئے ہیں اور جرمانے ادا نہیں کیے گئے، آئے روز ٹریفک پولیس ایسی گاڑیوں کی پکڑ دھکڑ کرتی ہے۔

from Samaa - Latest News https://ift.tt/h1sYEen