اسپیکرقومی اسمبلی نے پارلیمان اورادارے کوتباہ کیا،شاہدخاقان

سابق وزیراعظم اور پاکستان مسلم لیگ(ن) کےسینئررہنما شاہد خاقان عباسی نے کہا ہے کہ اسپیکرقومی اسمبلی نے جس طرح پارلیمان اور ادارے کو تباہ کیا اس کی مثال نہیں ملتی،اسپیکر کی نہ اپوزیشن اور حکومتی بنچ پرعزت نہیں ہے۔

احتساب عدالت کے باہر صحافیوں سے بات کرتےہوئے پاکستان مسلم لیگ(ن) کے رہنماء شاہد خاقان عباسی  نے دو ٹوک کہا کہ پیشن گوئی کرتا ہوں کہ آج صدرعارف علوی انسداد دہشت گردی عدالت سے بری ہونے جارہے ہیں کیونکہ پہلے تو صدر پیش نہیں ہوئے تھے اورآج بری ہونے پہنچ جائیں گے۔

انھوں نے کہا کہ ہمارے کیس میں جو گواہ پیش ہوا ہے اس کی عجیب منطق ہے،9 سال سےایک شخص عدالت میں پیش ہورہا ہے اورچیرمین نیب نے اس ملک میں تماشا لگایا ہوا ہے۔

شاہد خاقان نےمزید کہا کہ اس ملک کے وزراء اور وزیراعظم ان تماشوں میں برابر کے شریک ہیں لیکن یہ تماشے اب جلد ختم ہونے والے ہیں اور ہمارا ان سے وعدہ ہے کہ ان مظالم کا حساب ان کو دینا ہوگا۔

لیگی رہنما نے کہا کہ اسپیکرقومی اسمبلی سمیت کوئی بھی آدمی قانون سے بالا نہیں ہے اور جو غلط کام کرے گا اس کوقانون کے سامنے پیش ہونا ہوگا۔ اسپیکر نے جس طرح پارلیمان اورادارے کو تباہ کیا اس کی مثال نہیں ملتی،اسپیکر کی نہ اپوزیشن بنچ پرعزت ہے نہ حکومتی بنچ پرعزت ہے۔

انھوں نےکہا کہ اگر کوئی غیر آئینی کام کریں گے توعدالتیں موجود ہیں،اجلاس کو اسپیکر نے چلانا ہے،20 فیصد لوگ کھڑے ہوں گے جس کے بعد تین سے سات دنوں میں اجلاس ہوگا۔

from SAMAA https://ift.tt/NfgDVZG