فیصل قریشی کی اہلیہ ثناء فیصل نےبھارتی فلم ’83‘ میں اس دورکے پاکستانی کرکٹر عمران خان کے کردار کو دیکھ کرپی ٹی آئی سے نوٹس لینے کی درخواست کرڈالی۔
ڈائریکٹرکبیرخان کی یہ فلم 1983 کے کرکٹ ورلڈ کپ پرمبنی ہے جس کی کاسٹ میں دپیکا اوررنویرکے علاوہ طاہرراج بھسین، پنکج ترپاٹھی، ثاقب سلیم، جتن سرنا، ایمی ورک، ہارڈی سندھو سمیت دیگر شامل ہیں۔
فلم میں اس دورکے بھارتی کپتان کپل دیو کا کرداررنویرسنگھ نے اداکیا جبکہ حقیقی زندگی میں بھی ان کی ساتھی دپیکا بطوررومی بھاٹیہ (کپل دیو کی اہلیہ ) نظرآرہی ہیں۔ دسمبرمیں فلم کی تشہیری مہم کے دوران دبئی میں پریس کانفرنس کے دوران رنویرسنگھ کا کہنا تھاکہ ’فلم میں ایک خاص سین ہے، جسےدیکھ کرپاکستانی شائقین بہت خوش ہوں گےابھی اُس سین سے متعلق کچھ نہیں بتا سکتامگریقینی طورپرکہتاہوں کہ وہ بہت خوش ہوں گے، پاکستانیوں کو ’83‘ ہرحال میں دیکھنی چاہیے’۔
ثناء فیصل نےغالباً اسی ممکنہ خوشی کے لیے فلم دیکھی جو اُلٹاصدمے کا باعث بن گئی، فلم کے ایک منظرمیں کھیل کے میدان میں مصافحہ کرنے والے بھارتی کپتان کی گرم جوشی کے جواب میں نقلی عمران خان کو “کپل، کی حال( کیاحال )؟ ” کہتے دکھایا گیا ہے۔
لب ولہجے کی حد تک توٹھیک ہے لیکن اس کردار کے لیے کاسٹنگ شاید ہی کسی کو ہضم ہو، ثناء فیصل نے بھی اس حوالے اپنا ردعمل دیتے ہوئے پاکستان تحریک انصاف کے آفیشل اکونٹ کو ٹیگ کرتے ہوئے ایساکرنے والوں کے خلاف کارروائی کا مطالبہ کیا۔
ثناء فیصل نے انسٹااسٹوریزمیں لکھا، ‘یہ غلط ہے، پلیزاس کے خلاف کارروائی کریں۔ خان صاحب کے ساتھ یہ ظلم کیسے کرسکتے ہیں؟”۔
ثناء کے تحفظات پرانسٹاصارفین نے ملے جلے ردعمل کااظہار کیا، کسی کو لگا کہ اپنے ملک میں بھی تو ٹی وی چینلزپرکامیڈین یہی کچھ کررہے ہوتے ہیں تو بیشترنے لکھا کہ بھارتی اپنے ہرپراجیکٹ میں ہمارے ساتھ ایسا ہی کرتے ہیں۔
دپیکا پڈوکون 83 میں رمیزراجہ کی ہمشکل ہیں؟
فلم 24 دسمبرکوریلیزکی گئی تھی، اسے ہندی کے علاوہ، تامل، تیلگو،کناڈا اورملیالم زبان میں بھی پیش کیا گیاہے، کپل دیو کی اہلیہ کا کردارادا کرنے والی دپیکا 83 کی پروڈیوسربھی ہیں۔
from SAMAA https://ift.tt/vtrJKUc
via IFTTT
0 تبصرے